International Journal of Academic Research! "Beynəlxalq Elmi Araşdırmalar Jurnalı" (ISSN: 2075-4124)ölkəmizdə nəşr olunan ingilisdilli elmi jurnaldır. Jurnalda elmin müxtəlif sahələrini əhatə edən tədqiqat işləri dərc olunur. BEAJ dünyanın 60-dan artıq ölkəsinə yayılır.

Dərc olunmaq üçün

- Yazılar "Microsoft Word" proqramında Times New Roman şrifti ilə yığılmalı və info @ lit.az elektron poçt ünvanına göndərilməlidir (sancaqlanmış formada- "Attachment" funksiyası)

- Məktubda sancaqlanmış yazıdan əlavə mətn olmalıdır. (Məs., Bu yazıya baxmanızı istərdim və s.). Əks təqdirdə sistem sizin məktubu geri qaytaracaq.

- Yazar ilk məktubda yalnız adını, soyadını və dərc olunmaq istədiyini bildirməlidir. Tələb olunmadığı halda fotosunu, özü haqda məlumatı göndərən müəlliflərin yazılarına baxılmır. Portalda bir neçə dəfə dərc olunmuş müəlliflər də məktublarında ad və soyadlarını, dərc olunmaq istədiklərini bildirməlidirlər.

- Yazılar yaradıcı heyət tərəfindən qiymətləndirildikdən və dərc olunmaq üçün təsdiq olunduqdan sonra  yazarla 72 saat ərzində əlaqə saxlanılır, fotosu və haqında məlumat istənilir. Bu zaman müəllif hansı imza ilə dərc olunmaq istədiyini də bildirə bilər. Portalda bir neçə dəfə yazısı dərc olunmuş müəlliflərin foto və məlumat göndərməsinə ehtiyac yoxdur.

- Yazılarda şəxsi konfliktləri ehtiva edən məqamlara, şəxsiyyətin, dövlət atributlarının təhqirinə, dini, irqi ayrıseçkiliyə, siyasi motivlərə, əsassız tənqidlərə yol verilmir. Yazıların ideya-bədii, ədəbi, elmi cəhətdən dolğunluğu prioritet kimi nəzərə alınır.

Xüsusi əlavələr:

• Müəlliflər əsas hissədə fotosuz dərc oluna bilməz
• Eyni müəllif ən yaxşı halda 1-1,5 aydan bir dərc oluna bilər (yazısı  dərc olunmağa təsdiqlənibsə). Bu qayda tərcüməçilərə (tərcümələrə) şamil edilmir. Tərcümə mətnlərinin dərc olunması üçün məcburi vaxt intervalı yoxdur.
• Müəlliflərin yazıları istənilən dildə ola bilər
• Müəlliflərə yaş məhdudiyyəti qoyulmur
• Portalın "Xəbərlər" bölməsində oxucular və müəlliflər tərəfindən göndərilən xəbərlər yerləşdirilmir
• Yazıların ixtisar olunaraq dərci yalnız müəlliflə razılaşdırıldıqdan sonra baş verə bilər
• Redaktorlar mətndə müəyyən redaktələr aparmaq hüququna malikdirlər.

Qeyd: Portal dərc olunmayacaq yazılar barədə müəlliflərə heç bir izahat vermir.

çap versiyası  
poçtla göndər
© Lit.az